ໃນຕອນເຊົ້າຂອງວັນທີ່ 13 ທັນວາ 2017 ນີ້ພະແນກໄປສະນີໂທລະຄົມມະນາຄົມ ແລະ ການສື່ສານໄດ້ຈັດກອງປະຊຸມທາບທາມປະກອບຄຳເຫັນໃສ່ຮ່າງດຳລັດວ່າດ້ວຍການຂື້ນທະບຽນເລກໝາຍໂທລະສັບ. ຂື້ນຢູ່ທີ່ຫ້ອງປະຊຸມຂອງພະແນກດັ່ງກ່າວ ໂດຍການເປັນກຽດເຂົ້າຮ່ວມຂອງທ່ານ ນາງ ມະນີໄລ ສິດທິໄຊ ຮອງຫົວໜ້າພະແນກໄປສະນີໂທລະຄົມມະນາຄົມ ແລະ ການສື່ສານ, ມີຕາງໜ້າຫ້ອງການ ປທສ ເມືອງ, ພະແນກສື່ສານທະຫານແຂວງ, ພະແນກສື່ສານ ປກສ ແຂວງ, ບໍລິສັດລາວໂທລະຄົມ, ບໍລິສັດອີທີແອລ, ບໍລິສັດສະຕຼາໂທລະຄົມ ແລະ ຫ້າງຮ້ານຈຳໜ່າຍຊິມ ຕະຫຼອດຮອດພາກສ່ວນທີ່ກ່ຽວຂ້ອງເຂົ້າຮ່ວມ.

 

          ໃນວາລະດຳເນີນກອງປະຊຸມຜູ້ເຂົ້າຮ່ວມໄດ້ຮັບຟັງການຜ່ານດຳລັດວ່າດ້ວຍການຂຶ້ນທະບຽນເລກໝາຍໂທລະ ສັບ. ດຳລັດສະບັບນີ້ປະກອບມີ 10 ໝວດ 50 ມາດຕາ ເຊີ່ງດຳລັດສະບັບນີ້ແມ່ນໄດ້ກຳນົດຫຼັກການ, ລະບຽບການ, ມາດຕະການ ແລະ ວິ ທີການກ່ຽວກັບການຄຸ້ມຄອງຕິດຕາມກວດກາໃຫ້ຜູ້ບໍລິການ, ຜູ້ຈຳໜ່າຍ ແລະ ຜູ້ໃຊ້ບໍລິການໝາຍເລກໂທລະສັບເພື່ອ ເຮັດໃຫ້ການຂື້ນທະບຽນເລກໝາຍໂທລະສັບເຂົ້າໃນລະບຽບການຂໍ້ມູູນໃຫ້ມີຄວາມຖືກຕ້ອງຄົບຖ້ວນ ແລະ ຊັດເຈນ ທັງນີ້ກໍ່ເພື່ອແນໃສ່ຮັບປະກັນໃຫ້ວຽກງານດັ່ງກ່າວມີຄວາມເປັນລະບຽບຮຽບຮ້ອຍ ແລະ ປອດໄພ.

          ຈຸດປະສົງຂອງການຈັດກອງປະຊຸມທາບທາມການປະກອບຄຳຄິດເຫັນໃສ່ຮ່າງດຳລັດວ່າດ້ວຍການຂື້ນທະບຽນເລກໝາຍໂທລະສັບໃນຄັ້ງນີ້ກໍ່ເພື່ອແນໃສ່ນິຕິບຸກຄົນ, ສຳນັກງານຫ້ອງການໃຫ້ນຳໃຊ້ເລກໝາຍໂທລະສັບໃຫ້ຖືກຕ້ອງຄົບຖ້ວນຊັດເຈນຕາມລະບຽບກົດໝາຍ ແລະ ເພື່ອເປັນຄວາມລະບຽບຮຽບຮ້ອຍຂອງສັງຄົມພ້ອມດຽວກັນນັ້ນຜູ້ເຂົ້າຮ່ວມກໍ່ໄດ້ພ້ອມກັນປຶກສາຫາລື ແລະ ຄົ້ນຄ້ວາປະກອບຄຳຄິດຄຳເຫັນເຊິ່ງກັນ ແລະ ກັນ ເພື່ອເຮັດໃຫ້ວຽກງານດັ່ງກ່າວ ໄດ້ຮັບການພັດທະນາກ້າວຂື້ນຢ່າງບໍ່ຢຸດຢັ້ງ.ຂ່າວ: ຕາເລັກ

ຜູ້ໃຫ້ບໍລິການທາງດ້ານໂທລະຄົມ

ເຂົ້າສູ່ລະບົບ

ຈໍານວນຜູ້ເຂົ້າຊົມເວັບໄຊ

0116301
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ລວມທັງໝົດ
134
226
592
113904
7457
6748
116301

Your IP: 54.161.71.87
Server Time: 2018-09-26 15:28:41

ມີ 6  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌