ຕາມການໃຫ້ຂໍ້ມູນຈາກພະແນກອຸດສາຫະກຳ ແລະ ການຄ້າແຂວງໄຊຍະບູລີໃຫ້ຮູ້ວ່າ ເພື່ອຮັບປະກັນໃຫ້ວຽກງານການຄ້າ
ມີຄວາມຍຸດຕິທຳ ທັງຮັບປະກັນການຊົມໃຊ້ພາຍໃນໃຫ້ພຽງພໍກັບຄວາມຕ້ອງການຂອງສັງຄົມ ແລະ ດຳເນີນການເຄື່ອນໄຫວ
ຖືກຕ້ອງຕາມລະບຽບກົດໝາຍໃນການດຳເນີນທຸລະກິດນັ້ນ ພະແນກອຸດສາຫະກຳ ແລະ ການຄ້າແຂວງໄດ້ລົງຕິດຕາມ,
ກວດກາ ແລະ ຄຸ້ມຄອງການຈໍລະຈອນສິນຄ້າພາຍໃນຢ່າງເປັນປົກກະຕິ ເຊິ່ງສະແດງອອກໃນ 1 ປີ.

ຜ່ານມາມູນຄ່າການຈໍລະຈອນສິນຄ້າພາຍໃນແຂວງມີເຖິງ 288,9 ຕື້ກີບ, ພ້ອມນີ້ກໍ່ຍັງໄດ້ເອົາໃຈໃສ່ໃນການຄຸ້ມຄອງ
ລາຄາສິນຄ້າໃນທ້ອງຕະຫຼາດ ໂດຍສະເພາະສິນຄ້າຍຸດທະສາດ ທີ່ລັດຄຸ້ມຄອງເປັນຕົ້ນ: ເຂົ້າ, ຊີ້ນ, ປາ, ນໍ້າມັນເຊື້ອໄຟ
ບໍ່ໃຫ້ມີການເໜັງຕີງແຮງເກີນ 12 % ຜານມາລາຄາສິນຄ້າທີ່ມີການປັບຂຶ້ນລົງຫຼາຍກວ່າໝູ່ແມ່ນລາຄານໍ້າມັນມີເຖິງ
28 ຄັ້ງ, ໄດ້ຕັ້ງໜ້າປະຕິບັດວຽກງານວິຊາສະເພາະຂອງຕົນເອງຮັບຜິດຊອບໃນນັ້ນໄດ້ລົງກວດກາສິນຄ້າທີ່ນຳເຂົ້າບໍ່ຖືກຕ້ອງ
ຕາມລະບຽບກົດໝາຍ ແລະ ສິນຄ້າທີ່ໝົດອາຍຸການນຳໃຊ້ໄດ້ 42 ຄັ້ງ, ໄດ້ຍຶດໄວ້ມີມູນຄ່າ 115 ລ້ານກວ່າກີບໃນນີ້ໄດ້
ທຳລາຍຖີ້ມມີມູນຄ່າ 88 ລ້ານກວ່າກີບ ແລະ ຍັງບໍ່ທັນໄດ້ທຳລາຍມີມູນຄ່າ 27 ລ້ານກວ່າກີບ, ໄດ້ເຮັດສັນຍາຊື້-ຂາຍ
ໄມ້ທັງໝົດ 20 ຊຸດ, ມີໄມ້ 2.127 ທ່ອນ ບໍລິມາດ 2.226 ກວ່າແມັດກ້ອນ ມີມູນຄ່າ 1 ຕື້ 683 ລ້ານກວ່າກີບ
ແລະ ໄດ້ປະມູນຂາຍໄມ້ 1 ຄັ້ງມີໄມ້ສະເໜີເຂົ້າປະມູນຈຳນວນ 5 ບັນຊີມີ 888 ທ່ອນ ບໍລິມາດ 1.068 ກວ່າແມັດກ້ອນ
ມູນຄ່າທັງໝົດ 1 ຕື້ 128 ລ້ານກວ່າກີບ, ຂະນະທີ່ການຂະຫຍາຍຕົວອຸດສາຫະກຳ ແລະ ຫັດຖະກໍາແມ່ນໄດ້ຂະຫຍາຍ
ຕົວເພີ່ມຂຶ້ນຢ່າງຕໍ່ເນື່ອງ ເຊິ່ງມາຮອດປະຈຸບັນຈຳນວນໂຮງງານ ແລະ ກິດຈະການດ້ານອຸດສາຫະກໍາ ແລະ ຫັດຖະກຳ
ໃນທົ່ວແຂວງມີທັງໝົດ 2.145 ແຫ່ງ ເພີ່ມຂຶ້ນຈາກປີ 2016 ຈຳນວນ 50 ແຫ່ງ, ໃນນີ້ມີໂຮງງານຂະ   ໜາດໃຫຍ່
48 ແຫ່ງ, ຂະໜາດກາງ 52 ແຫ່ງ, ຂະໜາດນ້ອຍ 327 ແຫ່ງ ແລະ ຂະນ້ອຍແບບຄອບຄົວ 1.718 ແຫ່ງ, ມີທຶນທັງໝົດ
1,047 ຕື້ກີບອັນໄດ້ເຮັດໃຫ້ມີລວມຍອດມູນຄ່າ 205,09 ຕື້ກີບ, ທຽບໃສ່ປີຜ່ານມາເພີ່ມຂຶ້ນ 4,8% ແລະ ລວມຍອດ
ມູນຄ່າການຈຳໜ່າຍຜະລິດຕະພັນອຸດສາຫະກຳ ແລະ ຫັດຖະກຳບັນລຸໄດ້ 256,82 ຕື້ກີບ ທຽບໃສ່ປີຜ່ານມາເພີ່ມຂຶ້ນ
3,6% ນອກນີ້ພະແນກອຸດສາຫະກຳ ແລະ ການຄ້າໄດ້ສົມທົບກັບຄະນະສະເພາະກິດຂັ້ນແຂວງລົງຕິດຕາມກວດກາການ
ປັບປຸງໂຮງງານປຸງແຕ່ງໄມ້ຈຳນວນ 26 ແຫ່ງ ທີ່ອານຸຍາດໃຫ້ສຶບຕໍ່ ແລະ ປັບປຸງຕາມຂໍ້ຕົກລົງເລກທີ 146/ຈຂ.ຊຍ
ລົງວັນທີ 9/2/2017 ວ່າດ້ວຍການຄຸ້ມຄອງ ແລະ ດັດສົມໂຮງງານຊຶ່ງມາຮອດປະຈຸບັນໄດ້ປັບປຸງ 9 ແຫ່ງ ຈຳນວນໂ
ຮງານປຸງແຕ່ງໄມ້ທີ່ໃຫ້ຢຸດເຊົາມີຈຳນວນ 85 ແຫ່ງໃນທົ່ວແຂວງ.

      ຂ່າວ: ບຸນທີ

ຜູ້ໃຫ້ບໍລິການທາງດ້ານໂທລະຄົມ

ເຂົ້າສູ່ລະບົບ

ຈໍານວນຜູ້ເຂົ້າຊົມເວັບໄຊ

0105864
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ລວມທັງໝົດ
129
218
1061
103128
3768
5227
105864

Your IP: 54.224.220.72
Server Time: 2018-08-17 06:56:31

ມີ 21  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌