ພິທີປິດຊຸດຮຽນທິດສະດີການເມືອງ-ການປົກຄອງຊັ້ນກາງ ຮຸ່ນທີ
XIII ໄດ້ຈັດຂຶ້ນຢ່າງເປັນທາງການ, ໃນຕອນເຊົ້າຂອງວັນທີ 3 ພຶດສະພາ 2018 ຢູ່ທີ່ສະໂມສອນໂຮງຮຽນການເມືອງ-ການປົກຄອງແຂວງ, ໂດຍການເປັນກຽດເຂົ້າຮ່ວມຂອງທ່ານ ປອ ສົມລິດ ເປືອກແກ້ວ ຮອງເລຂາພັກແຂວງ ປະທານສະພາປະຊາຊົນແຂວງ ໄຊຍະບູລີ, ມີທ່ານ ນາງ ຄຳມີ ຈັນທິບ ກຳມະການພັກແຂວງ ຫົວໜ້າໂຮງຮຽນການເມືອງ-ການປົກຄອງແຂວງ ໄຊຍະບູລີ, ມີບັນດາທ່ານພະນັກງານ-ຄູອາຈານ, ແຂກຖືກເຊີນ ແລະ ນັກສຶກສາເຂົ້າຮ່ວມ.

 

         ໃນພິທີທ່ານ ນາງ ຄຳມີ ຈັນທິບ ກຳມະການພັກແຂວງ ຫົວໜ້າໂຮງຮຽນການເມືອງ-ການປົກຄອງແຂວງ ໄຊຍະບູລີ, ໄດ້ຂຶ້ນຜ່ານບົດສະຫຼຸບການຮຽນທິດສະດີການເມືອງ - ການປົກຄອງຊັ້ນກາງ ຮຸ່ນທີ XIII ສົກສຶກສາ 2016-2018, ການຈັດຕັ້ງການຮຽນການສອນຂອງໂຄງການທິດສະດີການເມືອງ-ການປົກຄອງ ຊຸດທີ XIII ມີຜູ້ເຂົ້າຮຽນທັງໝົດ 47 ສະຫາຍ, ຍິງ 8 ສະຫາຍ, ໃນນັ້ນມາຈາກ 11 ເມືອງທົ່ວແຂວງ 28 ສະຫາຍ, ຍິງ 4 ສະຫາຍ, ມາຈາກພະແນກການອ້ອມຂ້າງແຂວງ 19 ສະຫາຍ, ຍິງ 4 ສະຫາຍ, ໃນຫຼັກສູດການຮຽນການສອນທິດສະດີການເມືອງ ແລະ ການປົກຄອງຊັ້ນກາງປະກອບມີ 28 ວິຊາຮຽນ, ມີ 110 ໜ່ວຍກິດ ເທົ່າກັບ 1.760 ຊົ່ວໂມງ, ລວມເວລາຕາມໂຄງການຫຼັກສູດໄດ້ກຳນົດໄວ້ 15 ເດືອນ, ຜ່ານການຮ່ຳຮຽນນັກສຶກສາແມ່ນໄດ້ພ້ອມກັນສຸມສະຕິປັນຍາເຂົ້າໃນການຈັດຕັ້ງປະຕິບັດໃນການປັບປຸງແນວຄິດການເມືອງ, ຄຸນທາດການເມືອງ, ຄຸນສົມບັດສິນທຳປະຕິວັດ, ທັດສະນະຫຼັກໜັ້ນໃນການຮ່ຳຮຽນເພື່ອກໍ່ສ້າງ ແລະ ບຳລຸງພະນັກງານ, ລັດຖະກອນທີ່ພວມດຳລົງຕຳແໜ່ງ ແລະ ກຽມດຳລົງຕຳແໜ່ງຢູ່ຂັ້ນແຂວງ, ເມືອງ, ຮາກຖານກຸ່ມບ້ານ, ເພື່ອປະກອບເຂົ້າໃນການຄົ້ນຄ້ວາເຮັດໃຫ້ແນວທາງນະໂຍບາຍຂອງພັກ ແລະ ລະບຽບກົດໝາຍຂອງລັດ, ໃຫ້ໄດ້ຮັບຄວາມລະອຽດ ແລະ ສົມບູນ, ໃນຊຸດຮຽນຊຸດນີ້ແມ່ນໄດ້ມີການສັງເກດຕິລາຄາ, ບັນຫາທາງສັດຈະວິພາກ, ສາມາດຕິຖອຍແນວຄິດຫຍໍ້ທໍ້ຕ່າງໆເຊັ່ນ: ແນວຄິດເອື່ອຍອີງ, ລັ່ງເລໃຈ, ງໍ້ງ່ຽງໂດຍເຫັນແຈ້ງໃນຈຸດອ່ອນ ແລະ ການປະຕິບັດໜ້າທີໃນຄວາມຮັບຜິດຊອບຂອງຕົນເອງ, ສາມາດວິເຄາະທິດທາງ ແລະ ວິທີແກ້ໄຂບັນຫາຕ່າງໆຢ່າງສັດຈະວິພາກໃນຕໍ່ໜ້າ, ນັກສຶກສາຊຸດຮຽນທິດສະດີການເມືອງ-ການປົກຄອງຊັ້ນກາງ 15 ເດືອນ ຮຸ່ນທີ XIII ແມ່ນໄດ້ມີຄວາມຫ້າວຫັນຕໍ່ການຮ່ຳຮຽນ ເຊິ່ງສະແດງອອກໃນການຮຽນຈົບຫຼັກສູດ 15 ເດືອນ, ມີຜູ້ທີ່ໄດ້ຮັບໃບປະກາສະນິຍາບັດຄົບຕາມຈຳນວນຄົນ, ໂດຍການເປັນກຽດຂຶ້ນມອບຂອງທ່ານ ປອ ສົມລິດ ເປືອກແກ້ວ ຮອງເລຂາພັກແຂວງ ປະທານສະພາປະຊາຊົນແຂວງ ໄຊຍະບູລີ.

ຈາກນັ້ນໃນພິທີຍັງໄດ້ມອບໃບຍ້ອງໃຫ້ນັກສຶກສາທີ່ຮຽນດີຮຽນເກັ່ງອີກ 17 ຄົນ, ໃບຊົມເຊີຍ 27 ຄົນ ແລະ ໃບສົມມະນາ ອີກ 14 ຄົນ, ໂດຍການມອບຂອງທ່ານ ນາງ ຄຳມີ ຈັນທິບ ກຳມະການພັກແຂວງ ຫົວໜ້າໂຮງຮຽນການເມືອງ-ການປົກຄອງແຂວງ ໄຊຍະບູລີ.                                     

ຂ່າວ: ທອງຈັນ

ຜູ້ໃຫ້ບໍລິການທາງດ້ານໂທລະຄົມ

ເຂົ້າສູ່ລະບົບ

ຈໍານວນຜູ້ເຂົ້າຊົມເວັບໄຊ

0116309
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ລວມທັງໝົດ
142
226
600
113904
7465
6748
116309

Your IP: 54.161.71.87
Server Time: 2018-09-26 15:29:28

ມີ 14  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌