ກອງປະຊຸມຄົບຄະນະບໍລິຫານງານພັກແຂວງ ໄຊຍະບູລີ ຄັ້ງທີ 10 ສະໄໝທີ VI ໄດ້ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 23 ພຶດສະພາ 2018 ນີ້, ທີ່ສະໂມສອນຫ້ອງວ່າການແຂວງ, ໂດຍການເປັນປະທານຂອງ ສະຫາຍ ພົງສະຫວັນ ສິດທະວົງ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງໄຊຍະບູລີ, ມີບັນດາສະຫາຍຮອງເລຂາພັກແຂວງ, ກຳມະການປະຈຳພັກແຂວງ, ມີປະທານ, ຮອງປະທານສະພາປະຊາຊົນແຂວງ, ມີກໍາມະການພັກແຂວງ, ເລຂາພັກເມືອງ, ມີເລຂາຄະນະພັກກອງບັນຊາການທະຫານ-ຕໍາຫຼວດ, ເລຂາຄະນະພັກຮາກຖານກອງພົນທະຫານຮາບທີ II, ມີເລຂາຄະນະພັກຮາກຖານ, ເລຂາໜ່ວຍພັກພະແນກການ, ກົມກອງ, ອົງການອ້ອມຂ້າງແຂວງ ແລະ ຫົວໜ້າດ່ານສາກົນເຂົ້າຮ່ວມ 100 ກວ່າສະຫາຍ.

ກອງປະຊຸມຄັ້ງນີ້ຈະໄດ້ພ້ອມກັນຄົ້ນຄວ້າຮັບຮອງເອົາເນື້ອໃນທີ່ສຳຄັນເຊັ່ນ: ສະຫຼຸບຕີລາຄາການຈັດຕັ້ງປະຕິບັດມະຕິກອງປະຊຸມຄົບຄະນະບໍລິຫານງານພັກແຂວງຄັ້ງທີ 9 ສະໄໝທີ VI, ການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ຂອງພັກ, ມະຕິກອງປະຊຸມໃຫຍ່ຄັ້ງທີ VI ຂອງຄະນະບໍລິຫານງານພັກແຂວງ, ແຕ່ເດືອນ ເມສາ ປີ 2015, ຮັບຟັງການລາຍງານ ຜົນການຈັດຕັ້ງປະຕິບັດແຜນການປູກພືດລະດູແລ້ງ ແລະ ແຜນການກະກຽມປູກພືດລະດູຝົນ, ການຕ້ານແລ້ງ, ຕ້ານຖ້ວມຢູ່ພາຍໃນແຂວງ ໄຊຍະບູລີ, ຈາກນັ້ນບັນດາສະຫາຍຜູ້ແທນກອງປະຊຸມຈະໄດ້ພ້ອມກັນປະກອບຄຳຄິດ-ຄຳເຫັນຕໍ່ບັນດາເນື້ອໃນດັ່ງກ່າວ ເພື່ອພ້ອມກັນສັງເກດຕີລາຄາໃຫ້ເຫັນໄດ້ດ້ານດີ, ຜົນໄດ້ຮັບ, ດ້ານອ່ອນ-ຄົງຄ້າງ, ຂໍ້ຂາດຕົກບົກຜ່ອງໃນການຊີ້ນຳ-ນໍາພາຂອງຄະນະພັກຂັ້ນຕ່າງໆໃນການຈັດຕັ້ງປະຕິບັດມະຕິດັ່ງກ່າວ. ສະຫາຍ ພົງສະຫວັນ ສິດທະວົງໄດ້ໃຫ້ຮູ້ວ່າ: ຕະຫຼອດໄລຍະ 3 ປີຜ່ານມາພາຍໃຕ້ການຊີ້ນຳ-ນຳພາຂອງສູນກາງພັກ, ລັດຖະບານ ແລະຄວາມເປັນເຈົ້າການຂອງຄະນະບໍລິຫານງານພັກແຂວງ. ຄະນະພັກທຸກຂັ້ນໃນທົ່ວແຂວງ ໄດ້ມີຄວາມຮັບຜິດຊອບນໍາພາສະມາຊິກພັກ, ພະນັກງານ, ທະຫານ, ຕໍາຫຼວດ ແລະ ປະຊາຊົນບັນດາເຜົ່າ ເອົາໃຈໃສ່ໃນການຈັດຕັ້ງປະຕິບັດມະຕິກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 9 ສະໄໝທີ VI, ການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ Xຂອງພັກ ຕິດພັນກັບມະຕິກອງປະຊຸມໃຫຍ່ຄັ້ງທີ VI ຂອງຄະນະບໍລິຫານງານພັກແຂວງ,ໄດ້ມີຜົນສຳເລັດໃນຫຼາຍດ້ານເຊີ່ງເຮັດໃຫ້ທົ່ວແຂວງມີສະຖຽນລະພາບທາງດ້ານການເມືອງຢ່າງໜັກແໜ້ນ, ສັງຄົມມີຄວາມສະຫງົບປອດໄພ ແລະ ມີຄວາມເປັນລະບຽບຮຽບຮ້ອຍໂດຍພື້ນຖານ, ການຈັດຕັ້ງພັກ-ລັດ, ສະມາຊິກພັກ-ພະນັກງານໄດ້ຮັບການປັບປຸງ ແລະ ກໍ່ສ້າງໃຫ້ມີຄວາມໜັກແໜ້ນທາງດ້ານການເມືອງ-ແນວຄິດ, ມີຄວາມປອດໃສ, ເຂັ້ມແຂງທາງດ້ານການຈັດຕັ້ງ ແລະ ແບບແຜນວິທີເຮັດວຽກ, ເຮັດໃຫ້ການຄຸ້ມຄອງລັດ - ຄຸ້ມຄອງເສດຖະກິດ-ສັງຄົມ ແລະ ລະບຽບກົດໝາຍນັບມື້ນັບມີຄວາມສັກສິດຂຶ້ນເທື່ອລະກ້າວ, ເສດຖະກິດຂອງແຂວງ ໄດ້ສືບຕໍ່ຂະຫຍາຍຕົວຕໍ່ເນື່ອງ ສະເລ່ຍ 8,5 %, ລາຍຮັບສະເລ່ຍຕໍ່ຄົນ 2.596 ໂດລາສະຫະລັດ, ການຜະລິດເປັນສິນຄ້າໄດ້ກາຍເປັນຂະບວນການກວ້າງຂວາງ, ຊີວິດການເປັນຢູ່ຂອງພະນັກງານ ແລະ ປະຊາຊົນບັນດາເຜົ່າໄດ້ຮັບການຍົກລະດັບດີຂຶ້ນ, ດ້ານວັດທະນະທຳ-ສັງຄົມໄດ້ຮັບການພັດທະນາຍົກລະດັບສູງຂຶ້ນຢ່າງຕໍ່ເນື່ອງ, ຄວາມທຸກຍາກຂອງປະຊາຊົນໄດ້ຮັບການແກ້ໄຂຫຼຸດລົງເທື່ອລະກ້າວ, ໂອກາດດັ່ງກ່າວ ສະຫາຍ ພົງສະຫວັນ ສິດທະວົງ ຍັງໄດ້ຮຽກຮ້ອງໃຫ້ບັນດາຜູ້ແທນກອງປະຊຸມຈົ່ງພ້ອມກັນຍົກສູງຄວາມຮັບຜິດຊອບ, ສຸມສະຕິປັນຍາເຂົ້າໃນການຄົ້ນຄວ້າປະກອບຄຳຄິດ-ຄໍາເຫັນໃສ່ເນື້ອໃນຕ່າງໆຂອງກອງປະຊຸມ, ປຶກສາຫາລືແລກປ່ຽນຄວາມເຫັນຢ່າງພາວະວິໄສ, ກົງໄປ-ກົງມາ, ຖືກຕ້ອງຕາມຄວາມເປັນຈີງ ແລະ ສອດຄ່ອງກັບລະບຽບ-ກົດໝາຍ, ເພື່ອເຫັນໄດ້ດ້ານດີທີ່ຕັ້ງໜ້າ, ຊອກໃຫ້ເຫັນດ້ານອ່ອນ-ຂໍ້ຄົງຄ້າງ ແລະ ສາເຫດຂອງບັນຫາ ເພື່ອເປັນເອກະພາບໃນດ້ານທັດສະນະແນວຄິດ ແລະ ການວາງທິດທາງແກ້ໄຂໃຫ້ຖືກຕ້ອງທັງເອົາໃຈໃສ່ໃນການປະຕິບັດໂມງເວລາໃຫ້ເຂັ້ມງວດເຮັດໃຫ້ກອງປະຊຸມໄດ້ດຳເນີນໄປຕາມຈຸດປະສົງ ແລະໄດ້ຮັບຜົນສຳເລັດຕາມລະດັບຄາດໝາຍທີ່ໄດ້ວາງໄວ້, ກອງປະຊຸມດັ່ງກ່າວແມ່ນຈະໄດ້ດໍາເນີນໄປເປັນເວລາ 3 ວັນຈຶ່ງຈະສໍາເລັດ.

ແຫຼ່ງຂ່າວ: ຫ້ອງວ່າການ ແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ຜູ້ໃຫ້ບໍລິການທາງດ້ານໂທລະຄົມ

ເຂົ້າສູ່ລະບົບ

ຈໍານວນຜູ້ເຂົ້າຊົມເວັບໄຊ

0105848
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ລວມທັງໝົດ
113
218
1045
103128
3752
5227
105848

Your IP: 54.224.220.72
Server Time: 2018-08-17 06:52:47

ມີ 5  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌