ເມື່ອບໍ່ດົນມານີ້, ກົມຄື້ນຄວາມຖີ່, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ຮ່ວມກັບກະຊວງ ວິທະຍາສາດ ແລະ ໄອຊີທີ ສ.ເກົາຫຼີ (Ministry of Science and ICT of the Republic of Korea) ໄດ້ຈັດກອງປະຊຸມສໍາມະນາຂຶ້ນໃນຫົວຂໍ້: ການບໍລິຫານຈັດການຄື້ນຄວາມຖີ່ ແລະ ການແລກປ່ຽນຂໍ້ມູນຂ່າວສານທີ່ກົມຄື້ນຄວາມຖີ່ ເພື່ອເປັນການສ້າງຄວາມຮູ້, ຄວາມເຂັ້ມແຂງທາງດ້ານວຽກງານ ຄື້ນຄວາມຖີ່ໃຫ້ກັບພະນັກງານ ວິຊາການກະຊວງ ປທສ ໂດຍສະເພາະກໍ່ແມ່ນພະນັກງານກົມຄື້ນຄວາມຖີ່ ຊຶ່ງໄດ້ເນັ້ນໃສ່ການລົງຝຶກຕົວຈິງ ແລະ ແລກປ່ຽນບົດຮຽນລະຫວ່າງນັກສໍາມະນາກອນ ແລະ ຄູຝຶກ ທີ່ມາຈາກກະຊວງ ວິທະຍາສາດ ແລະ ໄອຊີທີ ສ.ເກົາຫຼີ. 

 ໃນໂອກາດດັ່ງກ່າວນີ້, ລາວ-ເກົາຫຼີ ກໍ່ໄດ້ເຊັນບົດບັນທຶກຄວາມເຂົ້າໃຈ ລະຫວ່າງກົມຄື້ນຄວາມຖີ່ ແລະ ກະຊວງ ວິທະຍາສາດ ແລະ ໄອຊີທີ ສ.ເກົາຫຼີ, ເປັນກຽດເຂົ້າຮ່ວມໂດຍທ່ານ ໄຊລືຊາ ອິນສີຊຽງໃໝ່ ຫົວໜ້າກົມຄື້ນຄວາມຖີ່ ກະຊວງ ປທສ ແລະ ທ່ານ ນ. ຢັງມິ ລີ ຫົວໜ້າກົມຄື້ນຄວາມຖີ່ວິທະຍຸ, ກະຊວງ ວິທະຍາສາດ ແລະ ໄອຊີທີ ສ.ເກົາຫຼີ ພ້ອມດ້ວຍຄະນະສອງຝ່າຍເຂົ້າຮ່ວມ. ການເຊັນບົດບັນທຶກໃນຄັ້ງນີ້ ແມ່ນເພື່ອສືບຕໍ່ສາຍພົວພັນຮ່ວມມືລະຫວ່າງສອງກະຊວງ ກໍ່ຄືສອງກົມ ໂດຍການສຶບຕໍ່ໃຫ້ການຊ່ວຍເຫຼືອດ້ານການສ້າງບຸກຄະລາກອນ ແລະ ດ້ານເຕັກນິກຕ່າງໆ ຊ່ວຍເຫຼືອການສ້າງແຜນນະໂຍບາຍ ໃນການບໍລິຫານຈັດການຄື້ນຄວາມຖີ່, ສົ່ງເສີມການຮ່ວມມື ແລະ ແລກປ່ຽນຂໍ້ມູນຂ່າວສານຢ່າງສະໜໍ່າສະເໝີ ລວມໄປເຖິງການຊ່ວຍເຫຼືອດ້ານການຈັດກອງປະຊຸມສໍາມະນາຕ່າງໆ ລະຫວ່າງກັນ.

ພາບ+ຂ່າວ: ກົມຄື້ນຄວາມຖີ່, ປທສ.

ຜູ້ໃຫ້ບໍລິການທາງດ້ານໂທລະຄົມ

ເຂົ້າສູ່ລະບົບ

ຈໍານວນຜູ້ເຂົ້າຊົມເວັບໄຊ

0122397
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ລວມທັງໝົດ
172
368
1889
119107
4987
8566
122397

Your IP: 54.145.83.79
Server Time: 2018-10-21 14:58:29

ມີ 19  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌