ທ່ານ ບຸນດ່ວນ ໄຊດວງຕາ ຮອງພະແນກ ປທສ ແຂວງ ໄດ້ກ່າວໃນກອງປະຊຸມສະຫຼຸບການຈັດຕັ້ງປະຕິບັດວຽກງານ ໄປສະນີ ໂທລະຄົມມະນາຄົມ ແລະ ການສື່ສານ 6 ເດືອນຜ່ານມາເຫັນວ່າ 3 ບໍລິສັດທີ່ຂຶ້ນກັບພະແນກ ປທສ ແຂວງໄຊຍະບູລີຄຶ: ລັດວິສະຫະກິດລາວໂທລະຄົມ, ລັດວິສະຫະກິດອີທີແອວ ແລະ ລັດວິສະຫະກິດຢູ່ນີເທວ ສາມາດສ້າງລາຍຮັບໄດ້ທັງໝົດ 42 ຕື້ 300ກວ່າລ້ານກີບໃນນີ້ມີກໍ່າໄລ 29 ຕື້ 900 ກວ່າລ້ານກີບ. ມອບພັນທະໃຫ້ແຂວງ 6 ຕື້ 300 ກວ່າລ້ານກີບ,ສົມທົບທຶນຊ່ວຍເຫຼືອສັງຄົມ 92 ລ້ານກວ່າກີບ ແລະ ການຈັດປະຕິບັດລາຍຈ່າຍທັງໝົດ 12 ຕື້ 340 ລ້ານກວ່າກີບ

ພ້ອມດຽວກັນນີ້ພະແນກ ປທສ ຍັງໄດ້ເອົາໃຈໃສ່ສຸກຍູ້ສົ່ງເສີມຕິດຕາມກວດກາການດໍາເນີນທຸລະກິດຂອງບັນດາສາຂາບໍລິສັດໄປສະນີ.ປະຈຸບັນທົ່ວແຂວງມີສາຍໄຍແກ້ວຍາວທັງໝົດ 15.626 ກິໂລແມັດ ກວມ 11 ເມືອງ.ຂະຫຍາຍໃໝ່ໃນ 6 ເດືອນ ຜ່ານມາໄດ້ 27 ກິໂລແມັດ,ມີໂທລະສັບຕັ້ງໂຕະ 1.753 ເລກໝາຍໂທລະສັບຕັ້ງໂຕະບໍ່ມີສາຍ 1.764 ເລກໝາຍ.ປະຈຸບັນມີໂທລະສັບຕັ້ງໂຕະທັງໝົດ 30.000 ກວ່າເລກໝາຍ,ເບີໂທລະສັບມືຖືທັງມົດ 282.872 ເລັກໝາຍ, 6 ເດືອນ ເພີ່ມຂຶ້ນ 8.034 ເລກໝາຍ,ມີຜູ້ໃຊ້ໂທລະສັບມືຖື 3ຈີ ມີທັງໝົດ 42.167 ເລັກໝາຍ 6 ເດືອນເພີ່ມຂຶ້ນ 800 ເລັກໝາຍຜູ້ທີ່ນໍາໃຊ້ USB ມີທັງໝົດ 3096 ອັນ,ມີຜູ້ນໍາໃຊ້ອິນເຕີເນັດທັງໝົດ 1.382 ເລກໝາຍ, 6 ເດືອນຜ່ານມາເພີ່ມຂຶ້ນ 608 ເລກໝາຍ,ທົ່ວແຂວງມີບ້ານທີ່ຮັບສັນຍານໄດ້ແລ້ວ 422 ບ້ານເທົ່າກັບ 96,13%ຂອງຈໍານວນບ້ານທັງໝົດທົ່ວແຂວງ ແລະ ບໍ່ສ່ມາດຮັບສັນຍານໄດ້ 8 ບ້ານເທົ່າກັບ 1,86%,ຄຽງຄູ່ກັນນີ້ການດໍາເນີນທຸລະກິດຂອງສາຂາບໍລິສັດວິສາຫະກິດ

ໄປສະນີແຂວງໄຊຍະບູລີແມ່ນປະຕິບັດຕາມລະບຽບຂອງລັດວິສາຫະກິດໄປສະນີລາວວາງອອກ,ມີຫ້ອງການໄປສະນີປະຈໍາແຂວງ 1 ແຫ່ງ,ປະຈໍາເມືອງມີ 7 ແຫ່ງ,ມີຈາມໄປສະນີ 9 ແຫ່ງ,ສາຂາຈໍາໜ່າຍສະແຕມ 6 ແຫ່ງ,ມີຕູ້ໄປສະນີ 22 ຕູ້,ໄປສະນີພັນພາຍໃນ 267 ກວ່າກິໂລ,ໄປສະນີພັນຕ່າງປະເທດມີ 610 ກວ່າກິໂລ,ປ່ອຍສິນເຊື່ອມີທັງໝົດ 15 ບັນຊີມີເງິນ 2 ຕື້ 410 ກວ່າລ້ານກີບ,ເກັບກູ້ໜີ້ສິນຄືນໄດ້ 918 ລ້ານກວ່າກີບ.ໃນ6 ເດືອນຜ່ານມາສາມາດສ້າງລາຍຮັບໄດ້ທັງໝົດ 409 ລ້ານກວ່າກີບ,ມອບພັນທະເຂົ້າງົບປະມານ 33 ລ້ານ ກວ່າກີບ ແລະ ການປະຕິບັດລາຍຈ່າຍທັງໝົດ 268 ລ້ານກວ່າກີບ.

          ພະແນກປທສ ແຂວງໄຊຍະບູລີມີ 5 ຂະແໜງການຄື: ຂະແໜງບໍລິຫານ,ຈັດຕັ້ງ: ແຜນການ,ໄປສະນີ,ຂະແໜງດັດສົມໂທລະຄົມມະນາຄົມ ແລະ ຂະແໜງເຕັກໂນໂລຊີການສຶກສາຂໍມູນຂ່າວສານ.ມີຫ້ອງການປທສ ປະຈໍາເມືອງ 3 ເມືອງຄຶື້: ເມືອງຫົງສາ,ເມືອງໄຊຍະບູລີ ແລະ ເມືອງປາກລາຍມີຜູ້ປະສານງານປະຈໍາຢູ່ 8 ເມືອງ,ມີ 5 ສາຂາບໍລິສັດ.ວິສາຫະກິດໄປສະນີໂທລະຄົມມະນາຄົມຂຶ້ນກັບ,ທົ່ວແຂວງມີພະນັກງານທັງໝົດ 228 ຄົນ ຍິງ 89 ຄົນ ໃນນັ້ນພະນັກງານພະແນກ ປທສມີ 25 ຄົນ ຍິງ 10 ຄົນຢູ່ຫ້ອງການບັນດາເມືອງມີ 20 ຄົນ ຍິງ 9 ຄົນ ພະນັກງານບໍລິສັດວິສະຫະກິດມີທັງໝົດ 189 ຄົນ ຍິງ 57 ຄົນ.

ກອງປະຊຸມສະຫຼຸບການຈັດຕັ້ງປະຕິບັດວຽກງານໄປສະນີໂທລະຄົມມະນາຄົມ ແລະ ການສື່ສານ 6 ເດືອນທົ່ວແຂວງໄດ້ຈັດຂຶ້ນໃນວັນທີ 4 ກໍລະກົດ ນີ້ທີ່ຫ້ອງປະຊຸມ ປທສ ແຂວງໂດຍການເປັນປະທານຂອງທ່ານ ອິນສະຫວັນ ພົມປັນຍາ ຫົວໜ້າພະແນກ ປທສເຂົ້າຮ່ວມ,ມີບັນດາຫົວໜ້າຫ້ອງການ ປທສ ເມືຶງ ພ້ອມດ້ວຍຫົວໜ້າສາຂາບໍລິສັດທີ່ຂຶ້ນກັບ ແລະ ພະນັກງານຫຼັກແຫຼ່ງພາຍໃນພະແນກ ປທສ ແຂວງເຂົ້າຮ່ວມ.ຂ່າວ: ບຸນທີ


ຜູ້ໃຫ້ບໍລິການທາງດ້ານໂທລະຄົມ

ເຂົ້າສູ່ລະບົບ

ຈໍານວນຜູ້ເຂົ້າຊົມເວັບໄຊ

0105876
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ລວມທັງໝົດ
141
218
1073
103128
3780
5227
105876

Your IP: 54.224.220.72
Server Time: 2018-08-17 06:57:08

ມີ 33  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌