ຫຼາຍພາກສ່ວນທີ່ດໍາເນີນທຸລະກິດຢູ່ແຂວງ ໄຊຍະບູລີ ແລະ ບັນດາພະແນກການ-ກົມກອງ, ບັນດາເມືອງທົ່ວແຂວງ ແລະ ຄອບຄົວການນຳ ພ້ອມດ້ວຍປະຊາຊົນບັນດາເຜົ່າ ທົ່ວແຂວງ ໄຊຍະບູລີ ແມ່ນຍັງສືບຕໍ່ມອບເຄື່ອງຊ່ວຍເຫຼືອໃຫ້ຜູ້ປະສົບເຄາະຮ້າຍໄພພິບັດນ້ຳຖ້ວມຢູ່ບັນດາແຂວງທົ່ວປະເທດເປັນຕົ້ນແມ່ນ: ແຂວງ ອັດຕະປື, ແຂວງ ຄໍາມ່ວນ, ແຂວງ ອຸດົມໄຊ ແລະ ແຂວງ ອື່ນໆ

ທີ່ໄດ້ຮັບຜົນກະທົບຈາກໄພພິບັດນໍ້າຖ້ວມໃນເດືອນກໍລະກົດຜ່ານມາ, ເຄື່ອງທີ່ນໍາມາມອບຊ່ວຍເຫຼືອສ່ວນໃຫຍ່ແມ່ນ ເສື້ອ-ຜ້າ, ເຄື່ອງນຸ່ງຮົ່ມ, ເຄື່ອງອຸປະໂພກ-ບໍລິໂກກ, ນໍ້າດື່ມ-ນໍ້າໃຊ້ ແລະ ເງິນສົດຈໍານວນໜຶ່ງງ, ລວມຍອດການຊ່ວຍເຫຼືອວັດຖຸ-ເງິນຄໍາ ແຕ່ວັນທີ 24 ກໍລະກົດ ມາເຖິງປະຈຸບັນມີຈໍານວນ 456 ລ້ານກວ່າກີບ, ໃນນັ້ນມູນຄ່າເຄື່ອງຈໍານວນ 244 ລ້ານກວ່າກີບ, ອົງການປົກຄອງແຂວງ ປະກອບສ່ວນຊ່ວຍເງິນຈໍານວນ 100 ລ້ານກີບ, ລວມທັງໝົດ 556 ລ້ານກວ່າກີບ, ຈໍານວນເຄື່ອງ ແລະ ເງິນດັ່ງກ່າວ ທາງອົງການປົກຄອງແຂວງ ໄດ້ແບ່ງໄປມອບຕໍ່ໃຫ້ແຂວງ ທີ່ໄດ້ຮັບຜົນກະທົບແລ້ວເຊັ່ນ: ແຂວງ ອັດຕະປື ຈໍານວນ 240 ລ້ານກີບ, ໃນນັ້ນມູນຄ່າຂອງເຄື່ອງ ຈໍານວນ 140 ລ້ານກີບ, ແຂວງ ຄໍາມ່ວນ ເງິນສົດ 30 ລ້ານກີບ, ສ່ວນທີ່ຍັງເຫຼືອແມ່ນຈະແບ່ງປັນໄປຊ່ວຍບັນດາແຂວງທີ່ໄດ້ຮັບເຄາະຮ້າຍຈາກໄພພິບັດຄັ້ງນີ້ຕໍ່ໄປ.
ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ
ໂດຍ: ອຸ່ນເຮືອນ ໂພທິລັກ
ໂທ: 22126933

 

 

ຜູ້ໃຫ້ບໍລິການທາງດ້ານໂທລະຄົມ

ເຂົ້າສູ່ລະບົບ

ຈໍານວນຜູ້ເຂົ້າຊົມເວັບໄຊ

0105872
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ລວມທັງໝົດ
137
218
1069
103128
3776
5227
105872

Your IP: 54.224.220.72
Server Time: 2018-08-17 06:56:57

ມີ 29  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌