ພິທີປາຖະກະຖາ 5 ວັນປະຫວັດສາດສຳຄັນຂອງຊາດ, ຂອງແຂວງໄຊຍະບູລີ ໄດ້ຈັດຂຶ້ນໃນວັນທີ 15 ສິງຫາ 2018 ນີ້ຢູ່ທີ່ສະໂມສອນໂຮງຮຽນການເມືອງການປົກຄອງແຂວໄຊຍະບູລີ, ໂດຍການໃຫ້ກຽດເຂົ້າຮ່ວມຂອງທ່ານ ປອ ສົມລິດ ເປືອກແກ້ວ ຮອງເລຂາພັກແຂວງປະທານສະພາປະຊາຊົນແຂວງ, ມີຫົວໜ້າ, ຮອງຫົວໜ້າພະແນກ, ສະມາຊິກພັກ, ພະນັກງານອ້ອມຂ້າງແຂວງເຂົ້າຮ່ວມ 200 ກ່ວາຄົນ.

   ໃນພິທີ ທ່ານ ປອ ສົມລິດ ເປືອກແກ້ວ ຮອງເລຂາພັກແຂວງປະທານສະພາປະຊາຊົນແຂວງ, ໄດ້ໃຫ້ກຽດປາຖະກະຖາ 5 ວັນປະຫວັດສາດສຳຄັນຂອງຊາດ, ຂອງແຂວງໄຊຍະບູລີ, ເຊິ່ງທ່ານໄດ້ຍົກໃຫ້ເຫັນເຖິງມູນເຊືອແຫ່ງການກຳເນີດເຕີມໃຫ່ຍຂະຫຍາຍຕົວແຕ່ລະໄລຍະຂອງວັນສຳຄັນດັ່ງກ່າວເປັນຕົ້ນ, ຂະບວນວິວັດແຫຼ່ງການກຳເນີດ ແລະ ເຕີບໃຫ່ຍຂະຫຍາຍຕົວຂອງແນວລາວສ້າງຊາດ ຄົບຮອບ 68 ປີ ( 13/8/1950 – 13/8/2018 ), ການເຕີບໃຫ່ຍຂະຫຍາຍຕົວວັນສື່ມວນຊົນ ແລະ ວັນພິມຈຳໜ່າຍ ຄົບຮອບ 68 ປີ(13/8/1950 – 13/8/2018 ), ວັນຍຶດອຳນາດທົ່ວປະເທດ ຄົບຮອບ 43 ປີ(  23 ສິງຫາ 1975 – 23 ສິງຫາ 2018 ) ແລະ ວັນຍຶດອຳນາດຂອງແຂວງໄຊຍະບູລີ ຄົບຮອບ 43 ປີ( 6 ສິງຫາ 1975 – 6 ສິງຫາ 2018 ), ວັນສ້າງຕັ້ງສານປະຊາຊົນແຫ່ງ ສປປ ລາວ ຄົບຮອບ 36 ປີ( ວັນທີ 15 ສິງຫາ 1982 – 15 ສິງຫາ 2018 ) ແລະ ວັນສ້າງຕັ້ງລັດຖະທຳມະນູນແຫ່ງຊາດ ຄົບຮອບ 27 ປີ( ວັນທີ 15 ສິງຫາ 1991 – 15 ສິງຫາ 2018 ).

 

ຈຸດປະສົງເພື່ອໂຄສະນາສຶກສາອົບຮົມສະມາຊິກພັກ-ພະນັກງານ, ທະຫານ, ຕຳຫຼວດ ແລະ ປະຊາຊົນບັນດາເຜົ່າໃນທົ່ວແຂວງໄຊຍະບູລີ, ເຫັນໄດ້ບົດບາດ, ຄວາມໝາຍຄວາມສຳຄັນ ແລະ ເສີມຂະຫຍາຍມູນເຊື້ອອັນດີງາມຂອງ 5 ວັນປະຫວັດສາດດັ່ງກ່າວເຂົ້າໃນພຶດຕິກຳຕົວຈິງ, ຝຶກຝົນຫຼໍ່ຫຼອມຕົນເອງ ເພື່ອຮັບໃຊ້ປະເທດຊາດຮັບໃຊ້ປະຊາຊົນ ແລະ ເພີ່ມທະວີຄວາມຮັບຜິດຊອບໃນການຈັດຕັ້ງປະຕິບັດມະຕິກອງປະຊຸມໃຫ່ຍຄັ້ງທີ VI ຂອງອົງຄະນະພັກແຂວງ ວາງອອກໃຫ້ສຳເລັດຕາມລະດັບຄາດໝາຍ, ພ້ອມດຽວກັນນີ້ກໍ່ໃຫ້ຮູ້ເຖິງມູນເຊື້ອຕໍ່ສູ້ອັນພິລະອາດຫານ ແລະ ບໍ່ຍອມຈຳນົນຂອງແນວລາວສ້າງຊາດ, ເຊິ່ງແມ່ນອົງການນຳພາຂອງການປະຕິວັດລາວເຫັນໄດ້ເຖິງຄວາມປີຊາສາມາດໃນການໂຄສະນາຂົນຂວາຍ ແລະ ນຳພາຕໍ່ສູ້ຈົນໄດ້ຮັບໄຊຊະນະ ແລະ ຮັບຮູ້ເຂົ້າໃຈກ່ຽວກັບພາລະບົດບາດຂອງວຽກງານສື່ມວນຊົນ, ລັດຖະທຳມະນູນ, ສານປະຊາຊົນ ແລະ ວັນຍຶດອຳນາດເພື່ອເຮັດໃຫ້ຊັ້ນຄົນຕ່າງໆໃນທົ່ວສັງຄົມມີສະຕີເຄົາລົບ ແລະ ປະຕິບັດກົດໝາຍແນ່ໃສ່ບູລະນະລັດປະຊາທິປະໄຕປະຊາຊົນໃຫ້ເປັນລັດແຫ່ງກົດໝາຍເທື່ອລະກ້າວ, ເຮັດໃຫ້ປະຊາຊົນຮັ່ງມີຜາສຸກ ປະເທດຊາດຮັ່ງມີເຂັ້ມແຂງ, ສັງຄົມມີຄວາມສາມັກຄີປອງດອງມີປະຊາທີປະໄຕຍຸຕິທຳ ແລະ ສີວີໄລ.                           

 ຂ່າວ: ບຸນທີ

ຜູ້ໃຫ້ບໍລິການທາງດ້ານໂທລະຄົມ

ເຂົ້າສູ່ລະບົບ

ຈໍານວນຜູ້ເຂົ້າຊົມເວັບໄຊ

0122395
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ລວມທັງໝົດ
170
368
1887
119107
4985
8566
122395

Your IP: 54.145.83.79
Server Time: 2018-10-21 14:58:21

ມີ 17  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌