ກອງປະຊຸມຄະນະກຳມະການຊີ້ນຳຮ່ວມໂຄງການເຂື່ອນໄຟຟ້ານ້ຳຮຸ່ງ 1 ເມືອງໄຊຍະບູລີ, ແຂວງໄຊຍະບູລີ ໄດ້ຈັດຂຶ້ນໃນວັນທີ 21 ສິງຫາ 2018 ນີ້ຢູ່ທີ່ຫ້ອງປະຊຸມພະແນກແຜນການ ແລະ ການລົງທຶນແຂວງ, ໂດຍການເປັນປະທານຂອງທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີທັງເປັນປະທານຄະນະຊີ້ນຳຮ່ວມໂຄງການເຂື່ອນໄຟຟ້ານ້ຳຮຸ່ງ1, ມີບັນດາຫົວໜ້າ, ຮອງຫົວໜ້າພະແນກ, ອຳນວຍການບໍລິສັດໄຟຟ້ານ້ຳຮຸ່ງ1 ພ້ອມດ້ວຍຄະນະຊີ້ນຳຮ່ວມໂຄງການເຂື່ອນໄຟຟ້າ1 ຂອງແຂວງ ແລະ ເມືອງໄຊຍະບູລີເຂົ້າຮ່ວມ.

 ທ່ານ ບຸນທັນ ຄຳເຄື່ອງ ຫົວໜ້າພະແນກພະລັງງານ ແລະ ບໍ່ແຮ່ແຂວງ, ໄດ້ລາຍງານຄວາມຄືບໜ້າໂຄງການກໍ່ສ້າງເຂື່ອນໄຟຟ້າຂະໜາດນ້ອຍນ້ຳຮຸ່ງ1, ໂຄງການເຂື່ອນໄຟຟ້ານ້ຳຮຸ່ງ1 ຕັ້ງຢູ່ທິດຕາເວັນອອກສຽງໃຕ້ຂອງເມືອງໄຊຍະບູລີ, ປະມານ 30 ກິໂລແມັດ ແລະ ຫາງຈາກແມ່ນ້ຳຂອງ 5 ກິໂລແມັດ, ໄດ້ເຊັ່ນບົດບັນທຶກຄວາມເຂົ້າໃຈ( MOU ) ກັບບໍລິສັດສີເມືອງກຣູບ ຈຳກັດໃນວັນທີ່ 10 ພຶດສະພາ 2010, ວັນທີ 27 ພະຈິກ 2013 ໄດ້ສ້າງຕັ້ງບໍລິສັດໂຄງການສະເພາະຂຶ້ນຄືບໍລິສັດນ້ຳຮຸ່ງ1 ໄຮໂດຣພາວເວີຈຳກັດ ແລະ ຮອດວັນທີ 11/5/2015 ແມ່ນໄດ້ດຳເນີນການກໍ່ສ້າງວັນທີ 8 ມີຖຸນາ 2017 ໄດ້ຮັບຮອງບົດວີພາກເສດຖະກິດເຕັກນິກຂັ້ນກາງຈາກເບື້ອງຕົ້ນ 12 ເມກາວັດ ເປັນ 15 ເມກາວັດ, ລັກສະນະຂອງເຂື່ອນເປັນເຂື່ອນເບຕົງເສີມເຫຼັກ( Concrete GraviTy Dam ) ຄວາມສູງຂອງສັນເຂື່ອນ 34,17m, ລະດັບຄວາມສູງຂອງສັນເຂື່ອນສູງ 276,17 m, ຄວາມຍາວຂອງສັນເຂື່ອນ 235 m, ຄວາມກ້ວາງຂອງສັນເຂື່ອນ 7,90 m, ຄວາມກ້ວາງຂອງຕີນເຂື່ອນ 39 m, ມີເຄື່ອງປັ່ນໄຟຟ້າ 3 ໜ່ວຍ, ປະເພດກົງຫັນ 3 ໜ່ວຍ, ມີກຳລັງຕິດຕັ້ງທັງໝົດ 15 MW ( 3 x 5 MW ) ພະລັງງານຜະລິດໄຟຟ້າສະເລ່ຍ 71,767,500 KWh/ປີ, ມີປະລິມານນ້ຳໄຫຼຜ່ານກົງຫັນທັງໝົດ 28,7 m³/s ຄວາມສູງຂອງນ້ຳຕົກ 24 m, ຄວາມສູງຂອງນ້ຳຕົກມີປະສິດທິຜົນ 20 m, ປະລິມານນ້ຳນອງອອກແບບ 4.431.10 m³/s ມີປະຕູລະບາຍນ້ຳ 5 ປ່ອງ, ຄວາມຍາວຂອງສັນປອງລະບາຍນ້ຳລົ້ນ 60 m, ແຕ່ລະປ່ອງຂະໜາດຂອງປະຕູລະບາຍນ້ຳ 12 m x 12,5 m, ຄວາມອາດສາມາດລະບາຍນ້ຳໄດ້ 6.677.88 m³/s ໂດຍໃຊ້ປິດເປີດດ້ວຍລະບົບໄຣໂດຣລິກ, ມີປະຕູບລະບາຍຕະກອນຂະໜາດ 5 m x 5 m, 1 ປ່ອງສາມາດລະບາຍຕະກອນໄດ້ 348,50 m³/s ເນືອທີ່ອ່າງທັງໝົດ 2.907 km², ສາມາດກັກເກັບນ້ຳໄດ້ 1,52 k m², ປະລິມານນ້ຳໄຫຼເຂົ້າອ່າງ 34,43 m³/s ມີລະດັບນ້ຳສູງສຸດໜ້າເຂື່ອນ 272 m, ລະດັບນ້ຳປົກກະຕິໜ້າເຂື່ອນ 272 m, ລະດັບນ້ຳຕ່ຳສຸດທ້າຍເຂື່ອນ 250 m, ບໍລິມາດນ້ຳໃນອ່າງ 16,72 ລ້ານ m³, ບໍລິມາດນ້ຳໃນອ່າງທີ່ນຳໃຊ້ການບໍລິຫານ 12,16 ລ້ານ m³, ການຕົກຕະກອນພາຍໃນ 50 ປີ, ມີ 3.800 m³, ຜູ້ລົງທຶນ, ຜຸ້ພັດທະນາໂຄງການ, ບໍລິສັດສີເມືອງກຣູບຈຳກັດ ເອກກະຊົນ 100% ມູນຄ່າຂອງໂຄງການທັງໝົດ 34 ລ້ານ 744 ພັນ 800 ໂດລາສະະລັດ, ເມື່ອກໍ່ສ້າງສຳເລັດແມ່ນຈະຕໍ່ເຂົ້າສາຍສົ່ງໄຟຟ້າ 22 KV ແຕ່ໂຄງການຫາສະຖານີໄຟຟ້າໂຄກທ່ານາ, ຍາວ 23 KM, ການກໍ່ສ້າງເຂື່ອນໄຟຟ້າດັ່ງກ່າວແມ່ນມີຄວາມຄືບໜ້າແລ້ວເກືອບ 27% ແລະ ຄາດວ່າຈະໃຫ້ໄດ້ນຳໃຊ້ເປັນທາງການໃນກາງປີ 2019 ໄລຍະສຳປະທານ 30ປີ.

ຈາກນັ້ນທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີຍັງໄດ້ເນັ້ນໜັກໃຫ້ບໍລິສັດຮັບເໜົາກໍ່ສ້າງຈົ່ງເອົາໃຈໃສ່ຄວາມຮັບຜິດຊອບໃຫ້ຫຼາຍຂຶ້ນ, ຮັບປະກັນທາງດ້ານຄຸນນະພາບ ແລະ ປະລິມານ, ເຮັດໄປຕາມຂັ້ນຕອນ, ມີການເກັບກຳຂໍ້ມູນລະອຽດ, ເອົາໃຈໃສ່ພົວພັນປະສານງານກັບພາກສ່ວນຄະນະຊີ້ນຳຮ່ວມໂຄງການຂັ້ນແຂວງເມືອງສະຫຼຸບສັງລວມລາຍງານໃຫ້ກັນຊາບ, ໃນແຕ່ລະໄລຍະ ສິ່ງສຳຄັນຕ້ອງຮັບປະກັນເຮັດໃຫ້ເຂື່ອນມີຄວາມແໜ້ນໜາຖາວອນ, ເຮັດຕາມຫຼັກວີຊາການທີ່ໄດ້ອອກແບບມາເພື່ອບໍ່ໃຫ້ເກີດເຫດການທີ່ນຳຜົນເສຍຫາຍມາສູ່ຊີວິດ ແລະ ຊັບສີນຂອງພໍ່ແມ່ປະຊາຊົນທີ່ຢູ່ອາໄສເໜືອເຂື່ອນ ຫຼື ທ້າຍເຂື່ອນ.                                  ຂ່າວ: ບຸນທີ

ຜູ້ໃຫ້ບໍລິການທາງດ້ານໂທລະຄົມ

ເຂົ້າສູ່ລະບົບ

ຈໍານວນຜູ້ເຂົ້າຊົມເວັບໄຊ

0122390
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ລວມທັງໝົດ
165
368
1882
119107
4980
8566
122390

Your IP: 54.145.83.79
Server Time: 2018-10-21 14:58:02

ມີ 13  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌