ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ຮ່ວມກັບ ສະມາຄົມເຈົ້າໜ້າທີ່ຂໍ້ມູນຂ່າວສານ ອາຊຽນ (ASEAN CIO Associationຫຼື ACIOA) ໄດ້ຈັດກອງປະຊຸມສໍາມະນາວິຊາການຂື້ນໃນຫົວຂໍ້ :ຄວາມປອດໄພທາງໄຊເບີ (Cybersecurity Workshop) ໃນລະຫວ່າງວັນທີ 03-04 ກັນຍາ ຜ່ານມານີ້, ທີ່ໂຮງແຮມຄຣາວພຣາຊາ, ນະຄອນຫຼວງວຽງຈັນ, ໂດຍການເປັນປະທານຂອງທ່ານ ພູຂົງ ຈິດຮູບໂລກ, ຫົວໜ້າກົມແຜນການ ແລະ ການຮ່ວມມື, ກະຊວງ ປທສ ມີວິຊາການຈາກ ກະຊວງ ປທສ ແລະ ກະຊວງອ້ອມຂ້າງ ເຂົ້າຮ່ວມ.

 ໃນໂອກາດຈັດກອງປະຊຸມສໍາມະນາຄັ້ງນີ້: ເພື່ອເປັນການສ້າງຄວາມຮູ້-ຄວາມເຂົ້າໃຈ ກ່ຽວກັບ ຄວາມປອດໄພໃນການນໍາໃຊ້ອິນເຕີເນັດ ແລະ ການແນະນໍາເຕັກໂນໂລຊີທາງດ້ານຄວາມປອດໄພ, ລວມທັງບັນດາຕົວຢ່າງເຫດການ ແລະ ວິທີການຮັບມືກັບການຕ້ານ ແລະ ສະກັດກັ້ນເຫດການສຸກເສີນທາງອອນລາຍ ໃຫ້ນັກສໍາມະນາກອນຜູ້ເຂົ້າຮ່ວມສາມາດ ນໍາຄວາມຮູ້ໄປຜັນຂະຫຍາຍໃນການວາງແຜນການ, ກິດຈະກຳຕ່າງໆໃນການປົກປ້ອງຂໍ້ມູນຂ່າວສານ,ຄວາມປອດໄພ ທາງໄຊເບີ ຂອງບຸກຄົນ ແລະ ອົງກອນ.

ທ່ານ ພູຂົງ ຈິດຮູບໂລກ ໄດ້ກ່າວວ່າ: ປັດຈຸບັນນີ້ ເຕັກໂນໂລຊີການສື່ສານຂໍ້ມູນ-ຂ່າວສານ ຫຼື ໄອຊີທີ ໄດ້ມີການພັດທະນາແບບກ້າວກະໂດດຂັ້ນ ແລະ ເປັນເຄື່ອງມືທີ່ສໍາຄັນໃນການຂັບເຄື່ອນການພັດທະນາເສດຖະກິດ-ສັງຄົມຂອງຊາດ ໃຫ້ຄຽງຄູ່ກັບການລົງທຶນໃນໂຄງລ່າງພື້ນຖານເຕັກນິກທັນສະໄໝນັ້ນ ພວກເຮົາຍິ່ງມີຄວາມຈຳເປັນ ໃນການກໍ່ສ້າງວິຊາການຜູ້ຊ່ຽວຊານໄອຊີທີ ໃຫ້ມີທັກສະຄວາມຮູ້-ຄວາມສາມາດ ດ້ວຍປະລິມານທີ່ເໝາະສົມ ທາງດ້ານຂະແໜງການຄວາມປອດໄພທາງໄຊເບີ ໃຫ້ຫຼາຍຂຶ້ນ. ສະນັ້ນ, ລັດຖະບານ ກໍຄື ກະຊວງ ປທສ ເຫັນໄດ້ເຖິງຄວາມຈຳເປັນ ແລະ ຄວາມສຳຄັນດັ່ງກ່າວ ຈຶ່ງໄດ້ກຳນົດຫົວຂໍ້: ຄວາມປອດໄພຂໍ້ມູນຂ່າວສານ ເປັນຫນຶ່ງໃນ 7 ຍຸດທະສາດ 10 ປີຮອດປີ 2025 ກໍຄື ແຜນພັດທະນາ 5 ປີຄັ້ງທີ 2 ຮອດປີ 2020 ຂອງຕົນ. ໃນໄລຍະຜ່ານມາຈຶ່ງໄດ້ມີການສ້າງ ແລະ ປັບປຸງບັນດານິຕິກຳທີ່ກ່ຽວຂ້ອງ ເຊັ່ນ: ກົດຫມາຍວ່າດ້ວຍ ການຕ້ານ ແລະ ສະກັດກັ້ນອາຊະຍາກຳທາງລະບົບຄອມພີວເຕີ, ກົດໝາຍວ່າດ້ວຍ ການປົກປ້ອງຂໍ້ມູນທາງເອກເລັກໂຕຣນິກ. ສ້າງ, ປັບປຸງ ແລະ ຂະຫຍາຍໂຄງລ່າງພື້ນຖານເຕັກນິກ ເຊັ່ນ: ສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ ກໍ່ໄດ້ພັດທະນາບຸກຄະລະກອນດ້ານນີ້ ໃນຫລາຍຮູບແບບເປັນປະຈຳ ເປັນຕົ້ນແມ່ນ ການປູກຈິດສໍານຶກດ້ານຄວາມປອດໄພ, ການທົບທວນຄືນເຄືອຂ່າຍການຄຸ້ມຄອງຄວາມປອດໄພ; ການຊອກຫາຊ່ອງທາງຂອງມາດຕະການປົກປ້ອງຂໍ້ມູນ-ຂ່າວສານ, ຄວາມອາດສາມາດໃນການຮັບມືກັບເຫດສຸກເສີນ, ພິຈາລະນາດ້ານນິຕິກຳ ແລະ ເຕັກນິກການສືບສວນ-ສອບສວນ ແລະ ການວາງແນວທາງດ້ານຄວາມປອດໄພໃນຕໍ່ໜ້າ.

ພາບ+ຂ່າວ: ສູນລາວເຊີດ, ປທສ.

ຜູ້ໃຫ້ບໍລິການທາງດ້ານໂທລະຄົມ

ເຂົ້າສູ່ລະບົບ

ຈໍານວນຜູ້ເຂົ້າຊົມເວັບໄຊ

0122426
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ລວມທັງໝົດ
201
368
1918
119107
5016
8566
122426

Your IP: 54.145.83.79
Server Time: 2018-10-21 15:36:05

ມີ 13  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌