ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມເຜີຍແຜ່ຄູ່ມື ແລະ ຄໍາແນະນໍາ ກ່ຽວກັບການອອກບັດພະນັກງານ-ລັດຖະກອນ ຂຶ້ນໃນວັນທີ 5 ກັນຍານີ້, ທີ່ຫ້ອງປະຊຸມໃຫຍ່ກະຊວງ ປທສ, ໃຫ້ກຽດເຜີຍແຜ່ເອກະສານໂດຍ ທ່ານ ສຸວັນນີ ລັດຕະນະວົງ ຫົວໜ້າກົມຄຸ້ມຄອງລັດຖະກອນ, ກະຊວງ ພາຍໃນ ມີບັນດາຄະນະກົມ/ທຽບເທົ່າ, ຄະນະພະແນກ ພ້ອມດ້ວຍພະນັກງານອ້ອມຂ້າງກະຊວງເຂົ້າຮ່ວມ.

ທ່ານ ສຸວັນນີ ລັດຕະນະວົງ ໄດ້ກ່າວວ່າ: ການອອກບັດພະນັກງານ-ລັດຖະກອນ ເປັນບັນຫາໜຶ່ງທີ່ສໍາຄັນ, ມີຜົນປະໂຫຍດຫຼາຍ ເພາະເປັນການຢັ້ງຢືນ ແລະ ກວດກາບັນຊີຈໍານວນພົນພະນັກງານ-ລັດຖະກອນຜູ້ມີໜ້າ ຫຼືບໍ່ມີໜ້າຕົວຈິງ ຂອງບັນດາກະຊວງ, ອົງການຈັດຕັ້ງສູນກາງ ແລະ ທ້ອງຖິ່ນ. ດັ່ງນັ້ນ, ກະຊວງ ປທສ ຈຶ່ງໄດ້ຈັດກອງປະຊຸມເຜີຍແຜ່ຄັ້ງນີ້ຂຶ້ນ ເພື່ອເຜື່ອແຜ່ເອກະສານ ຄໍາແນະນໍາ ຂອງລັດຖະມົນຕີກະຊວງ ພາຍໃນ ສະບັບເລກທີ 06/ພນ, ລົງວັນທີ 19 ຕຸລາ 2017 ກ່ຽວກັບການອອກບັດລັດຖະກອນ ແລະ ຄູ່ມືຂອງຫົວໜ້າກົມຄຸ້ມຄອງລັດຖະກອນ, ສະບັບເລກທີ 179/ຄລກ, ລົງວັນທີ 23 ພຶດສະພາ 2018 ກ່ຽວກັບການປັບປຸງຂໍ້ມູນພະນັກງານ-ລັດຖະກອນ ໃຫ້ຖືກຕ້ອງຕາມລະບຽບການ ໃຫ້ພະນັກງານ-ລັດຖະກອນ ພາຍໃນກະຊວງ ປທສ ໄດ້ຮັບຮູ້, ເຂົ້າໃຈກ່ຽວກັບ ຂັ້ນຕອນ, ວິທີການນໍາໃຊ້ບັດລັດຖະກອນທີ່ຖືກຕ້ອງ ແລະ ຄູ່ມືການປັບປຸງຂໍ້ມູນພະນັກງານລັດຖະກອນ ພ້ອມທັງຍົກຕົວຢ່າງໃນກໍລະນີຂໍ້ມູນບັດບໍ່ຖືກຕ້ອງ ແລະ ແນະນໍາວິທີການແກ້ໄຂຂໍ້ມູນບັດທີ່ບໍ່ຖືກຕ້ອງ ໃຫ້ສອດຄ່ອງກັບການນໍາໃຊ້ເຂົ້າໃນວຽກງານຕົວຈິງ ໃນປະຈຸບັນ ໃຫ້ມີຄວາມເປັນລະບຽບການ, ທັນສະໄໝ ເຮັດໃຫ້ການເບີກຈ່າຍເງີນເດືອນ, ເງີນອຸດໜູນ ແລະ ເງີນນະໂຍບາຍຕ່າງໆຖືກຕ້ອງຕາມຕົວຈິງ ເປັນບ່ອນອີງໃຫ້ອົງການຄຸ້ມຄອງພະນັກງານ-ລັດຖະກອນຂອງບັນດາກະຊວງ, ອົງການລັດທຽບເທົ່າຂັ້ນສູນກາງ, ຂັ້ນແຂວງ, ຂັ້ນເມືອງ ມີຄວາມສະດວກ ແລະ ຄວາມເປັນເອກະພາບໃນການຈັດຕັ້ງປະຕິບັດຕົວຈິງ ໃນຂອບເຂດທົ່ວປະເທດ. ພ້ອມດຽວກັນນີ້, ທ່ານຍັງໄດ້ບັນລະຍາຍ ບັນດານິຕິກໍາຕ່າງໆທີ່ກ່ຽວຂ້ອງກັບວຽກງານດັ່ງກ່າວ ແລະ ຍັງໄດ້ມີການສົນທະນາຖາມ-ຕອບ ກັບບັນດາຜູ້ເຂົ້າຮ່ວມ.

ຂ່າວ: ກົມຈັດຕັ້ງ-ພະນັກງານ, ປທສ.

ພາບ: ຫ້ອງການກະຊວງ.

ຜູ້ໃຫ້ບໍລິການທາງດ້ານໂທລະຄົມ

ເຂົ້າສູ່ລະບົບ

ຈໍານວນຜູ້ເຂົ້າຊົມເວັບໄຊ

0122429
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ລວມທັງໝົດ
204
368
1921
119107
5019
8566
122429

Your IP: 54.145.83.79
Server Time: 2018-10-21 15:38:22

ມີ 16  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌