ທ່ານ ພົຕ ສົມແກ້ວ ສີລາວົງ ລັດຖະມົນຕີກະຊວງປ້ອງກັນຄວາມສະຫງົບ ພ້ອມດ້ວຍຄະນະໄດ້ລົງກວດກາ ການຈັດຕັ້ງປະຕິບັດວຽກງານຄຸ້ມຄອງ, ຈັດສັນ, ຍົກຍ້າຍ ສິ່ງແວດລ້ອມ ແລະ ສັງຄົມ ຂອງໂຄງການ ເຂື່ອນໄຟຟ້ານໍ້າຂອງ ໄຊຍະບູລີ  ໃນວັນທີ 5 ກັນຍາ 2018 ນີ້, ໂດຍມີທ່ານ  ພັອ ຄໍາແພງ ເພັດ ຫົວໜ້າກອງບັນຊາການ ປກສ ແຂວງ ໄຊຍະບູລີ ພ້ອມດ້ວຍຄະນະຕິດຕາມກ ານເຄື່ອນໄຫວ.

   ທ່ານ ນາລິນ ລັດຕະນະພິເສດໄຊ  ຮອງຜູ່ຈັດການ ບໍລິສັດ ຊໍການຊ່າງລາຍງານໃຫ້ຮູ້ວ່າ: ການສ້າງເຂື່ອນພະລັງງານນໍ້າຂອງ ໄຊຍະບູລີ  ໄດ້ເລີ່ມລົງມືກໍ່ສ້າງແຕ່ປີ 2012 ມາຮອດປັດຈຸບັນແມ່ນສໍາເລັດແລ້ວ 96% ຄາດວ່າຈະໄດ້ເລີ່ມທົດລອງຜະລິດກະແສໄຟຟ້າ ໜ່ວຍທໍາອິດໃນທ້າຍເດືອນ ຕຸລາ ປີ 2018​   ແລະ ຈະເປີດທໍາການຜະລິດໃນທ້າຍປີ 2019  ໂຄງການໄຟຟ້າພະລັງງານນໍ້າ ໄຊຍະບູລີ ມີລັກສະນະເປັນເຂື່ອນນໍ້າໄຫຼ ໂດຍໃສະເລ່ຍການໄຫຼຂອງນໍ້າແມ່ນ 400 ແມັດກ້ອນ ຕໍ່ວິນາທີ , ມີຄວາມສູງ 28,5 ແມັດ, ຄວາມກວ້າງຂອງສັນເຂື່ອນ 820 ​ແມັດ; ມີບານປະຕູນໍ້າ 7 ປ່ອງ ແລະ ບານປະຕູລະບາຍຕະກອນ 4 ປ່ອງ, ມີຊ່ອງທາງເຮືອຂື້ນ - ລ່ອງ ກວ້າງ 12 ແມັດ, ຍາວ 700 ແມັດ ສາມາດຮັບຮອງເຮືອຂົນສົ່ງສິນຄ້າໄດ້ 500 ໂຕນ  ແລະ ມີຊ່ອງທາງຂື້ນ - ລ່ອງຂອງປາ. ເຂື່ອນດັ່ງກ່າວມີກໍາລັງຕິດຕັ້ງ ໄຟຟ້າທັງໝົດ 175 ເມກາວັດ ມີ 7 ຊຸດ. ສົ່ງໄຟຟ້າຜ່ານລະບົບສາຍສົ່ງ 500 ກິໂລໂວນ ຂາຍໃຫ້ການໄຟຟ້າຜະລິດແຫ່ງປະເທດໄທ ແລະ ເຄື່ອງກໍາເນີດໄຟຟ້າ 60 ເມກາວັດ ຈໍານວນ 01 ຊຸດ ແມ່ນຈະສົ່ງຜ່ານສາຍສົ່ງ 115 ກິໂລໂວນ ເພື່ອຮັບໃຊ້ໃນ ສປປ ລາວ; ໃນນັ້ນລວມມູນຄ່າການກໍ່ສ້າງທັງໝົດ 4 ຕືື້ໂດລາສະຫາລັດ.

        ຈາກນັ້ນ, ທີມງານຂອງທ່ານລັດຖະມົນຕີກະຊວງປ້ອງກັນຄວາມສະຫງົບ, ພ້ອມດ້ວຍຫົວໜ້າກອງບັນຊາການ ປກສ ແຂວງໄຊຍະບູລີ ແລະ ຄະນະ ກໍ່ໄດ້ລົງຕິດຕາມເບິ່ງຜົນສໍາເລັດ ການກໍ່ສ້າງໂຄງການທີ່ສັນເຂື່ອນ.

ຜູ້ໃຫ້ບໍລິການທາງດ້ານໂທລະຄົມ

ເຂົ້າສູ່ລະບົບ

ຈໍານວນຜູ້ເຂົ້າຊົມເວັບໄຊ

0122379
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ລວມທັງໝົດ
154
368
1871
119107
4969
8566
122379

Your IP: 54.145.83.79
Server Time: 2018-10-21 14:57:16

ມີ 5  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌