ໄຊຍະບູລີດໍາເນີນຊີວິດການເມືອງປົວແປງພັກທົ່ວອົງຄະນະພັກແຂວງ

   
    ບັ້ນດໍາເນີນຊີວິດການເມືອງປົວແປງພັກທົ່ວອົງຄະນະພັກແຂວງໄຊຍະບູລີ. ໄດ້ຈັດຂຶ້ນໃນວັນທີ 25 ພຶດສະພານີ້ຢູ່ທີ່ສະໂມສອນໂຮງຮຽນການເມືອງການປົກຄອງແຂວງໄຊຍະບູລີ. ໂດຍການເປັນປະທານຂອງ ສະຫາຍ ພົງສະຫວັນ ສິດທະວົງ ກໍາມະການສູນກາງພັກ ເລຂາພັກແຂວງ ເຈົ້າແຂວງໄຊຍະບູລີ.

ໃຫ້ກຽດເຂົ້າຮ່ວມບັ້ນດໍາເນີນຊີວິດການເມືອງປົວແປງພັກຄັ້ງນີ້ມີ ສະຫາຍ ຈັນສີ ໂພສີຄໍາ ກໍາມະການກົມການເມືອງສູນກາງພັກ ,ຄະນະເລຂາທິການສູນກາງພັກ,ຫົວໜ້າຄະນະຈັດຕັ້ງສູນກາງພັກ,ມີບັນດາສະຫາຍຄະນະປະຈໍາພັກແຂວງ,ກໍາມະການພັກແຂວງ, ເລຂາພັກເມືອງ, ເລຂາພັກຮາກຖານ,ເລຂາໜ່ວຍພັກພະແນກການ,ອົງການກົມກອງອ້ອມຂ້າງແຂວງເຂົ້າຮ່ວມ 200 ກວ່າສະຫາຍ.


  ສະຫາຍພົງສະຫວັນ ສິດທະວົງ  ກໍາມະການສູນກາງພັກ ເລຂາພັກແຂວງ ໄຊຍະບູລີໄດ້ກ່າວວ່າບັນດໍາເນີນຊີວິດການເມືອງປັບປຸງປົວແປງພັກຄັ້ງນີ້ເປັນຄວາມຕັດສິນໃຈຂອງກົມການເມືອງສູນກາງພັກເພື່ອປະເມີນຄືນຕາມຄວາມຮັບຜິດຊອບການເມືອງຂອງຄະນະພັກ, ຄະນະນຳແຕ່ລະຂັ້ນ ແລະ ຂອງສະມາຊິກພັກໃນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ
X ຂອງພັກ ແລະ ມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກແຂວງໄລຍະຜ່ານມາມີດ້ານດີ-ດ້ານອ່ອນແນວໃດ ແລະ ກ້າວໄປເຖິງການແກ້ໄຂບັນຫາຢ່າງຖືກຈຸດ ແລະ ມີປະສິດທິຜົນສູງ.

          ບັ້ນດຳເນີນຊີວິດການເມືອງໃນຊຸດນີ້. ພວກເຮົາຈະໄດ້ພ້ອມກັນສຸມໃສ່ຄົ້ນຄວ້າບັນດາເອກະສານທີ່ສຳຄັນເຊັ່ນ: ເອກະສານເດັດດ່ຽວປັບປຸງປົວແປງພັກໃຫ້ປອດໃສເຂັ້ມແຂງ ແລະ ໜັກແໜ້ນ, ຮ່າງບົດສະຫຼຸບຕີລາຄາຄືນຄວາມຮັບຜິດຊອບລວມຂອງຄະນະພັກແຕ່ລະຂັ້ນໃນການຈັດຕັ້ງປະຕິບັດມະຕິກອງປະຊຸມຄັ້ງທີ VIຂອງອົງຄະນະພັກແຂວງ ແລະ ມະຕິກອງປະຊຸມໃຫຍ່ຄັ້ງທີ X ຂອງພັກ, ພ້ອມດຽວກັນນີ້ຜູ້ເຂົ້າຮ່ວມຈະໄດ້ພ້ອມກັນຄົ້ນຄວ້າປະກອບຄຳຄິດຄຳເຫັນ, ຮ່າງບົດສະຫຼຸບຕີລາຄາຄືນຄວາມຮັບຜິດຊອບລວມຂອງຄະນະພັກແຕ່ລະຂັ້ນໃນການຈັດຕັ້ງມະຕິກອງປະຊຸມໃຫຍ່ຄັ້ງທີVI ຂອງອົງຄະນະພັກແຂວງ ແລະ ມະຕິກອງປະຊຸມໃຫຍ່ຄັ້ງທີ X ຂອງພັກ ພ້ອມທັງປະກອບຄຳຄິດຄຳເຫັນໃຫ້ຄະນະບໍລິຫານງານພັກແຂວງແຕ່ລະສະຫາຍ, ຈະໄດ້ແບ່ງເປັນໜ່ວຍຂຽນໃບສຳຫຼວດຂອງແຕ່ລະບຸກຄົນ ແລະ ຜ່ານຢູ່ໃນໜ່ວຍ, ທາບທາມລົງຄະແນນສຽງຄວາມເຊື່ອໝັ້ນໄວ້ວາງໃຈຕໍ່ຄະນະບໍລິຫານງານສູນກາງພັກສະໄໝທີ X  ແລະ ທາບທາມລົງຄະແນນສຽງຄວາມເຊື່ອໝັ້ນໄວ້ວາງໃຈຕໍ່ກຳມະການປະຈຳພັກແຂວງ ກຳມະການພັກແຂວງ. ຫົວໜ້າພະແນກ ແລະ ທຽບເທົ່າຂອງແຂວງຕາມກົດລະບຽບຂອງພັກດ້ວຍຄວາມຮັບຜິດຊອບສູງ.

          ບັ້ນດຳເນີນຊີວິດການເມືອງປົວແປງພັກທົ່ວອົງຄະນະພັກແຂວງຈະໄດ້ດຳເນີນໄປເປັນເວລາ 10 ກວ່າວັນຈຶ່ງຈະສຳເລັດ. ຈຸດປະສົງກໍ່ເພື່ອເສີມຂະຫຍາຍມູນເຊື້ອຜົນງານດ້ານດີຂອງພັກໃນໄລຍະຜ່ານມາ. ແກ້ໄຂຈຸດອ່ອນຂໍ້ບົກຜ່ອງ ແລະ ສິ່ງທ້າທາຍທົດສອບທີ່ເປັນໄພອັນຕະລາຍຕໍ່ພັກເຮົາທີ່ໄດ້ກຳນົດໄວ້ໃນມະຕິກອງປະຊຸມໃຫຍ່ຄັ້ງທີ X ຂອງພັກໃຫ້ມີການຫັນປ່ຽນໃໝ່ທີ່ຕັ້ງໜ້າດ້ວຍຈິດໃຈບຸກທະລຸແນໃສ່ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ. ເພີ່ມທະວີຄວາມສາມັກຄີເປັນປຶກແຜ່ນພາຍໃນພັກ, ພາຍໃນຊາດ ສຶບຕໍ່ປະຕິບັດແນວທາງປ່ຽນແປງໃໝ່ຮອບດ້ານ ແລະ ມີຫຼັກການຂອງພັກ, ເດັດດ່ຽວປົກປັກຮັກສາ ແລະ ພັດທະນາປະເທດຊາດກ້າວຂຶ້ນສູ່ຈຸດໝາຍສັງຄົມນິຍົມຢ່າງໝັກແໜ້ນ.           

                                                                                                 ຂ່າວ: ບຸນທີ ແສງຈັນທະລາ

ຜູ້ໃຫ້ບໍລິການທາງດ້ານໂທລຄົມ

ເຂົ້າສູ່ລະບົບ

ຈໍານວນຜູ້ເຂົ້າຊົມເວັບໄຊ

017416
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ລວມທັງໝົດ
80
204
405
16081
2763
5367
17416

Your IP: 54.198.35.26
Server Time: 2017-08-22 13:01:52

ມີ 36  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌