ໃນພິທີທ່ານ ນາງ ປທ ຄຳມີ ຈັນທິບ ກຳມະການພັກແຂວງ ອຳນວຍການໂຮງຮຽນການເມືອງ-ການປົກຄອງແຂວງ ໄຊຍະບູລີ, ໄດ້ຂຶ້ນຜ່ານບົດສະຫຼຸບການດຳເນີນຊຸດຮຽນທິດສະດີການເມືອງການປົກຄອງ ຊັ້ນກາງ ຮຸ່ນທີ XII ສົກປີ 2015-2017 ຊຸດຮຽນທິດສະດີການເມືອງການປົກຄອງຊັ້ນກາງ ຊຸດນີ້ແມ່ນໄດ້ໃຊ້ເວລາ 15 ເດືອນ,  ຂອງການຈັດຕັ້ງປະຕິບັດການຮຽນ - ການສອນ, ມີ 28 ວິຊາຮຽນ ແລະ ແບ່ງອອກເປັນ 3 ໝວດວິຊາຄື: ໝວດວິຊາຄວາມຮູ້ທົ່ວໄປ, ໝວດວິຊາເຕັກນິກທົ່ວໄປ ແລະ ໝວດວິຊາສະເພາະ, ໃຊ້ເວລາຮຽນທັງໝົດ 1,760 ຊົ່ວໂມງ ເທົ່າກັບ 110 ໝ່ວຍກິດ ແລະ ມີນັກຮຽນທັງໝົດ 47 ຄົນ, ຍິງ 11 ຄົນ, ຜ່ານການຮຽນການສອນຂອງທຸກວິຊາຮຽນມາແມ່ນເຫັນໄດ້ເຖິງຄວາມຕັ້ງໃຈຮ່ຳຮຽນ ແລະ ຊອກຮູ້ຕາມເອກະສານຕ່າງໆ, ເຊິ່ງມັນສະແດງອອກໃນຜົນຂອງການສອບເສັງທຸກວິຊາ ແລະ ປ້ອງກັນບົດທົບທວນຈົບຊັ້ນໄດ້ 100% ມີນັກສຶກສາ 47 ສະຫາຍ, ຍິງ 11 ສະຫາຍ, ແມ່ນໄດ້ສອບເສັງ 28 ວິຊາ, ສາມາດສະເລ່ຍຄະແນນຈັດປະເພດໄດ້ຄື: ເກດ A ມີ 33 ສະຫາຍເທົ່າກັບ 72,21%, ເກດ B ມີ 14 ສະຫາຍ, ເທົ່າກັບ 29,78%  ຍ້ອນນັກສຶກສາໄດ້ເອົາໃຈໃສ່ຕໍ່ການສຶກສາຮ່ຳຮຽນ, ປະຕິລະບຽບໂຮງຮຽນໄດ້ດີ, ຕັ້ງໜ້າຝຶກຝົນຫຼໍ່ຫຼອມຕົນເອງ ເຮັດໃຫ້ນັກສຶກສາຈຳນວນໜື່ງໄດ້ການເປັນແບບຢ່າງ ແລະ ເປັນບຸກຄົນດີເດັ່ນຂອງຊຸດຮຽນ, ໄດ້ຮັບການຍ້ອງຍໍປະເພດ1 ມີ 14 ສະຫາຍ, ປະເພດ2 ມີ 10 ສະຫາຍ ແລະ ໃບສົມມະນາບຸນຄຸນ 17 ສະຫາຍ, ໃບຊົມເຊີຍ 17 ສະຫາຍ, ໃນພິທີທ່ານ ປອ ສົມລິດ ເປືອກແກ້ວ ຮອງເລຂາພັກແຂວງ ປະທານສະພາປະຊາຊົນແຂວງ ໄຊຍະບູລີ, ຜູ້ຊິ້ນຳໂຮງຮຽນການເມືອງການປົກຄອງແຂວງ, ໄດ້ໃຫ້ກຽດມອບໃບປະກາສະນິຍະບັດໃຫ້ນັກສຶກສາຈຳນວນ 74 ສະຫາຍ.

ຈຸດປະສົງຂອງການເປີດຮຽນທິດສະດີໃນຊຸດນີ້ກໍ່ເພື່ອແນ່ໃສ່ບຳລຸງຍົກລະດັບທິດສະດີການເມືອງໃຫ້ພະນັກງານຫຼັກແຫ່ງຂອງແຂວງ ແລະ ເມືອງ, ເພື່ອຕອບສະໜອງຄວາມຕ້ອງການຂອງພະນັກງານທີ່ມີຄວາມຮູ້, ຄວາມສາມາດປະກອບໃຫ້ກົງຈັກການຈັດຕັ້ງພັກ, ຂອງລັດ ແລະ ອົງການຈັດຕັ້ງມະຫາຊົນຂັ້ນຕ່າງໆໃນທົ່ວແຂວງ, ເຮັດໃຫ້ພະນັກງານນຳພາ - ຄຸ້ມຄອງຢູ່ທ້ອງຖິ່ນຮາກຖານໄດ້ຮັບຄວາມຮູ້ໃນລະດັບແນ່ນອນທາງດ້ານທິດສະດີການເມືອງ - ການປົກຄອງ, ແນວທາງນະໂຍບາຍຂອງພັກ, ການຄຸ້ມຄອງຂອງລັດ, ຍົກສູງຄຸນທາດການເມືອງໃຫ້ມີຄວາມໜັກແໜ້ນ, ຍົກສູງຄຸນນະພາບໃນການນຳພາຄຸ້ມຄອງ ແລະ ຈັດຕັ້ງຜັນຂະຫຍາຍແນວທາງນະໂຍບາຍຂອງພັກ, ເພື່ອໃຫ້ພາກປະຕິບັດໄດ້ເກີດດອກອອກຜົນຕົວຈິງ.                                                                  ຂ່າວ: ທອງຈັນ 

ຜູ້ໃຫ້ບໍລິການທາງດ້ານໂທລຄົມ

ເຂົ້າສູ່ລະບົບ

ຈໍານວນຜູ້ເຂົ້າຊົມເວັບໄຊ

059997
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ລວມທັງໝົດ
107
100
624
57628
3190
10400
59997

Your IP: 54.227.51.103
Server Time: 2017-12-14 14:59:31

ມີ 36  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌